Hélstu að þú yrðir komin/n lengra í lífinu árið 2023 en þú ert í dag?

Hefurðu náð langt í lífinu en ert föst/fastur í sama hjólfarinu eða á hamstrahjólinu og vantar kraftinn, tólin og þekkinguna til að komast áfram?

Eru ytri aðstæður góðar, en þú upplifir þreytu, streitu eða skortir tilhlökkun og gleði?

Vantar þig tólin og þekkinguna til að geta breytt þér, þinni heilsu og þínu lífi?

Viltu leysa úr læðingi mestu og öflugustu krafta sem til eru innra með þér og fara loksins að lifa lífinu til fulls, verða sú manneskja sem þér var ætlað að vera?

Við Ásdís Olsen dáleiðari þekkjum vel framangreindar áskoranir og hvaða leiðir eru áhrifaríkastar til að komast út úr þessari stöðu. Í gegn um dáleiðslu, hugleiðslu, heilun og kraftmiklar aðferðir sem kenna manni að stýra hugsunum sínum og líðan sinni (orkunni), höfum við báðar upplifað stórkostlegar breytingar á lífi okkar, líðan, heilsu, fjölskyldu og náð miklum árangri bæði í lífi og starfi. 

Dáleiðsla er einstaklega kraftmikið tól til innri breytinga sem allir geta lært að nýta sér. Að læra að tengjast inn á við, kynnast viskunni, mættinum og ótrúlegum krafti undirmeðvitundarinnar veitir manni forskot í lífinu sem er engu líkt. Að læra hvernig maður sigrar óttann, velur hugrekkið og stígur inn í þá manneskju sem manni var ætlað að vera, gerir manni kleift að fara að lifa því lífi sem maður vill lífa, lifa lífinu til fulls, í stöðugum og heilbrigðum vexti þar sem áður fjarlægir draumar verða að raunveruleika. Ímyndaðu þér bara hverju þú gætir afkastað, ef þú værir aldrei þreytt/ur! Er það ætlun okkar dáleiðslusystra að hjálpa þér að komast þangað!

Að þessu eru nokkrir lykilþættir. Í fyrsta lagi þurfum við að vita hvað er það sem stýrir okkur, líðan okkar, orkunni okkar, hugsunum okkar og heilsu. Síðan þurfum við að læra öflug og heilbrigð tól til að taka stjórnina á þessu svo við getum skapað okkur sjálf og líf okkar í þeirri mynd sem við viljum hafa þetta. Í þessu felst m.a. að læra að stýra hugsunum sínum og líðan sinni og öðlast þekkingu og færni til að endurforrita undirmeðvitund okkar og beita henni svo hún vinni fyrir okkur en ekki gegn okkur. Að því loknu setjum við markið hátt og lærum að beita huganum og orku okkar til að kraftbirta (manifesta, skapa) okkur það líf, þá heilsu, þann árangur og þá velgengni sem við viljum fá fram í lífi okkar. Með því öðlumst við hugarfar alsnægta. Þegar við höfum öðlast þessa færni, hugarfar og þekkingu standa okkur allir vegir færir. 

Með framangreindum aðferðum hefur Sara t.a.m. fengið algert frelsi frá kvíða, fíkn, átröskun, krónískum verkjum, síþreytu, streitu og brotinni sjálfsmynd. Hún rekur þrjú fyrirtæki, hefur skrifað barnabók, á tvö ung börn sem hún sinnir af alúð, og hefur skapað námskeið sem eru meðal vinsælustu námskeiða landsins og hafa selst í mörghundraða tali. Sara hefur m.a. yfirgefið farsælan lögmennskuferil til að einbeita sér eingöngu að því að hjálpa fólki að umbreytast og í hverri viku fá skjólstæðingar hennar frelsi frá kvíða, þunglyndi, krónískum verkjum, síþreytu, vöðvabólgu og og stíga inn í frelsi, frið, vellíðan, gleði og kraft. 

Með framangreindum aðferðum hefur Ásdís Olsen t.a.m. innleitt núvitund á Íslandi, gefið út metsölubók, gert sjónvarpsþætti um hamingju, lífstíl og heilsu, haldið fjöldan allan af námskeiðum, rekið dáleiðslustofu, haldið hópdáleiðslur o.fl. 

Með þessa reynslu, þekkingu og færni höfum við stöllur ákveðið að sameina krafta okkar, reynslu og þekkingu til að koma þessari mikilvægu þekkingu á framfæri til annarra. Í því skyni höfum við skapað nýtt námskeið ,,Kraftaverkamáttur hugans” þar sem við kennum framangreindar aðferðir fyrir þá sem vilja ná stórkostlegum árangri í lífi og starfi og líðan. 

Námskeiðið felur m.a. sér tæki og tól til að verða sú manneskja sem þú vilt vera og til að geta farið að lifa því lífi sem þú vilt lifa, áhrifaríkar aðferðir til að stýra hugsunum þínum og líðan þinni, til að geta tekið þig út úr streitu, kvíða eða þreytu og sett þig inn í gleði, tilhlökkun, frelsi og kraft á örfáum sekúndum, getuna til að líða vel í nánast hvaða aðstæðum sem er og áhrifaríkustu aðferðir sem til eru til að kraftbirta (manifesta, skapa) þér það líf, heilsu og þau tækifæri sem þú vilt skapa þér.  

Námskeiðið verður haldið þann 6. mars n.k. á Hótel Kríunesi í Reykjavík frá kl. 19-22. Allir þáttakendur fá öflugan undirbúningspakka (dáleiðslur) til að hlusta á daglega fram að námskeiðinu til að tryggja hámarksárangur. Þessu námskeiði fylgir líka frír mánaðaraðgangur að glænýju netnámskeiði Söru Páls, ,,Frelsi frá áföllum” sem er sambland af dáleiðslum og fræðslu sem kenna þér árangursríkustu aðferð sem til er við að fá frelsi frá áföllum fortíðar og dáleiðslur sem leiða þig í gegn um það stórkostlega frelsis-ferðalag. 

Sæti eru takmörkuð en unnt er að bóka sig bæði í sal og taka þátt í gegn um fjarfundarbúnaðinn zoom. Mælst er eindregið með því að mæta í salinn og taka fullan þátt til að fá hámarksárangur! Ert þú tilbúin/n að stíga inn í þá manneskju sem þú raunverulega ert þegar þú hámarkar vitsmuni þína, orku og getu? Taktu stökkið og komdu með inn í eitt stórkostlegasta ferðalag lífs þíns! Skráning og nánari upplýsingar má finna á tix.is/daleidsla og fyrirspurnir sendist á sara@lausnir.is.


Enn með kvíða? í vanlíðan? Hélstu kannski að þú yrðir komin/n lengra í lífinu, árið 2023, en þú ert komin/n í dag?

Óttinn er versti óvinur mannsins. Ein helsta og aðal hindrun þín gegn því að verða sú manneskja sem þú vilt vera og fara að lifa því lífi sem þú vilt lifa, er óttinn - kvíðinn. Hann heldur aftur af okkur, heldur okkur niðri, lætur okkur líða illa, lætur okkur missa af tækifærum, hætta við, sætta okkur við að lifa ekki drauminn okkar því við erum of hrædd við að fara á eftir því sem við raunverulega þráum, hann rænir frá okkur lífsgæðum, eyðileggur gæðastundir, rústar svefninum, rænir þig hugarró, heldur okkur í krónísku streituástandi (fight and flight mode) og brýtur okkur niður með lygum og sjálfsniðurrifi, o.fl., o.fl...
 
Þegar þú færð frelsi frá kvíða - þá er ekkert sem getur stöðvað þig. Þú öðlast heilbrigt sjálfsöryggi, þér fer að líða vel í eigin skinni í flestum aðstæðum, þú átt auðvelt með að vera meðal fólks, tala við fólk, ferðast, njóta líðandi stundar með börnunum þínum eða barnabörnum, þú sefur betur og átt auðveldara með að einbeita þér, þú verður orkumeiri, kraftmeiri og hugrakkari, þú leyfir þér að gera mistök, læra af þeim og styrkjast og þroskast og dafna, þú ferð að gera hluti sem þú þorðir ekki áður, t.d. að fara út meðal fólks, vinna að draumum þínum, skrifa bókina sem þig hefur ávallt langað til, ferð að fara í ræktina, biðja um launahækkun, sækja um draumastarfið, stofna fyrirtækið sem þig hefur dreymt um, setur heilbrigð mörk, ert frjáls frá því hvað öðrum finnst, eða hvaðeina það sem býr í hjartanu þínu. Hvað er það sem þú vilt verða? gera? skapa? HVersu lengi ætlar þú að leyfa kvíðanum ræna þessu frá þér?
 
Lokaðu augunum eitt augnablik. Sjáðu þig fyrir þér, þar sem þú ert búin að sigra kvíðann, sigra óttann. Ímyndaðu þér að þér líði eins og lýst er hér að ofan, þú ert orðin sú manneskja sem þú vilt vera, farin að lifa því lífi sem þú vilt lifa. Frjáls, heilbrigð/ur, kraftmikil/l, glöð/glaður, með það hugrekki sem þarf til að eltast við drauma þína, þekkinguna sem þú þarft til að breyta því sem þú vilt breyta…. Leyfðu þér að finna fyrir tilfinningunum sem fylgir því að vera komin þangað, sigurtilfinningunni, gleðinni, frelsinu, þakklætinu. Hvernig myndi líf þitt líta út og hverinig myndi þér líða?  
 
Síðan máttu spóla aðeins inn í framtíðina, sjá sjálfa/n þig fyrir þér háaldraða/n, á dánarbeðinu. Þú gerðir ekkert í þessum kvíða, a.m.k. ekkert sem virkaði. Lést hann stjórna lífi þínu og líðan allt þitt líf. Þú varðst aldrei nema skugginn af þér því kvíðinn lá ofan á þér. Eina sem breyttist var að hann versnaði. Þú hékkst í sama starfinu af því þú óttaðist að geta ekki fengið neitt betra. Þú stofnaðir aldrei fyrirtækið sem þig dreymdi um, fórst aldrei í námið sem þig langaði, naust þess ekki að eyða tíma með börnunum eða barnabörnunum vegna áhyggja, lést óttann við álit annarra stjórna þér, leyfðir þér ekki að vera þú sjálf eða sjálfur, þú trúðir því aldrei að þú værir nóg, þú fórst aldrei alla leið því það var aldrei ,,rétti tíminn”… 
 
Ímyndaðu þér eftirsjána, sorgina, söknuðinn, sársaukann. Af því að þá er það orðið of seint. Tíminn er farinn, og hann kemur aldrei aftur. Þú misstir af lífinu. Þú trúðir lygum kvíðans þegar hann sagði þér að þú gætir aldrei losnað við hann, að þér myndi mistakast, að þú værir ekkert nema aumingi. 
 
Þú átt bara þetta eina líf. Farðu alla leið, lifðu, sigraðu, gerðu mistök, vertu þú! Sigraðu þennan kvíða fyrir fullt og allt og stígðu inn í frelsið, það geta allir fengið frelsi. Ég hef fengið það, og ég sé fólk í hverri viku sigra kvíða, þunglyndi, síþreytu, króníska verki o.fl., og þú getur gert það líka. 
 
En að fá frelsi frá kvíða gerist ekki að sjálfu sér. Til að ná þeim árangri sem við viljum ná verðum við að vera staðföst, þjálfa okkur dag frá degi. Það er engin töfraformúla sem virkar á núlleinni. Svo margir leita til mín og vilja koma í einkatíma og að ég lagi kvíðann eða þunglyndið þá og þegar. 
 
En það virkar ekki svoleiðis. Við verðum að vera tilbúin að leggja á okkur smá vinnu dags daglega, til að fá frelsi. Það er engin töfra-formúla, lítil bók sem opnast og ljósgeislar lýsa frá henni og út hoppa englar, glimmer og hvolpar og þú læknast varanlega af kvíða, streitu og krónískum verkjum!
 
Námskeiðið Frelsi frá kvíða hefur að geyma alla þá fræðslu, þjálfun og dáleiðslu sem færði mér mitt frelsi frá kvíða, brotinni sjálfsmynd, verkjum og síþreytu. Námskeiðið veitir þér daglega leiðsögn um hvað það er sem þarf til að fá frelsi og leiðsögn og þjálfun um hvernig þú gerir það. Dáleiðslurnar sem fylgja með, sem hlustað er á daglega, veita þér mikið, mikið styttri leið, með því að hjálpa þér að eyða rótum kvíðans og fá frelsi frá áföllum og öðlast heilbrigt sjálfstraust, vinna sem vegna dáleiðslanna tekur örfáar vikur en myndi annars taka mörg ár eða myndi jafnvel aldrei gerast. Þegar fólk byrjar að hlusta daglega á dáleiðslurnar og vinna námskeiðið byrjar betri líðan yfirleitt strax að koma í fyrstu vikunni. 
 
Þú þarft ekki að trúa mér. Lestu bara umsagnir þeirra sem hafa tekið námskeiðið! https://sarapalsdottir.is/umsagnir/
 
Hversu oft hefurðu ætlað að gera eitthvað fyrir þig, breytast, bæta líf þitt, sigrast á einhverju, en síðan gefist upp? hætt við? Beilað á sjálfum þér eða sjálfri þér? Hvað eru síðan liðin mörg ár? 
 
Það er enginn sem getur gert þetta fyrir þig. Einungis ÞÚ getur gert þetta. Ekki láta þig sitja á hakanum, ekki setja sjálfa/n þig í síðasta sæti, ekki fresta þangað til ,,það stendur betur á”, ef þú gerir það þá líða 5 ár á örskotsstundu og þú ert enn föst eða fastur á sama stað eða á enn verri stað, NÚNA er besti tíminn til að fara alla leið, berjast fyrir þér og þinni framtíð og þinni heilsu, standa með þér alla leið, ef þú ert ekki búin að prófa Frelsi frá kvíða, þá ertu ekki búin að ,,reyna allt” !
 
Fyrsta spjallið kostar ekkert. Sendu mér póst á sara@lausnir.is. Námskeiðið Frelsi frá kvíða má nálgast hér:
 
https://sarapalsdottir.is/product/frelsi-fra-kvida-thad-er-til-lausn-2/

 


Af hverju ertu með kvíða? Hvernig færðu frelsi frá kvíða?

Ég glímdi við alvarlegan kvíða í mörg ár. Samhliða því fór krónískt verkjavandamál mitt versnandi, ég var alltaf þreytt, brotin og úrvinda. Mér leið illa í eigin skinni.

 

Samt hreyfði ég mig reglulega, borðaði hollan mat, drakk hvorki áfengi né reykti, var í heilbrigðri kjörþyngd. Ekkert í mínum lífsstíl gaf til kynna að ég væri svona veik. Eða svo hélt ég.

 

Ég leitaði í örvæntingu hjálpar alls staðar þar sem mér datt í hug að leita að hjálp. Enginn gat hjálpað mér.

 

Það var ekki fyrr en ég fór að stunda hugleiðslu með þeim ásetningi að fá bata, sem ég fór að finna fyrir betri líðan. Með hugleiðslu, dáleiðslu og orkuheilun og svo þjálfun í heilbrigðu hugarfari fór ég að finna ótrúlega skjótan og mikinn bata. Í dag er ég algerlega frjáls frá öllum þessum neikvæðu einkennum!

 

Ég komst að því að það sem að var að valda kvíðanum, verkjunum, síþreytunni og vanlíðaninni (og sólarexeminu) var:

 

  1. Ég elskaði mig ekki skilyrðislaust og í reynd, hataði sjálfa mig.

 

  1. Ég var yfirfull af neikvæðri orku

(áföll, kvíði, ótti, hræðsla, reiði, sorg, depurð, streita, osfrv) sem festist innra með okkur (kvíðahnútur í maga, spenna í vöðvum, grjót í bringu osfrv)

 

  1. Ég var með gríðarlega óheilbrigt (neikvætt) hugarfar

(þú ert í hættu, eitthvað hræðilegt mun gerast, þú ert veik/ur, einhver sem þú elskar er í hættu, aðrir eru að dæma þig, neikvætt sjálfsniðurrif ofrv.)

 

Þetta er nákvæmlega það, og ekkert annað, sem olli krónískum veikindum mínum.

 

Lausnin eða leiðin til Frelsis er:

 

  1. Fjarlægja rætur kvíðans/verkjanna/síþreytunnar (sjá liði 1-3 hér að ofan)

 

  1. Öðlast heilbrigt hugarfar (læra að hugsa rétt, þjálfa sig í að stýra hugsunum sínum og þar með líðan sinni)

 

Þegar við fjarlægjum rætur vandans annars vegar og hins vegar öðlumst heilbrigt hugarfar, þá fáum við frelsi frá því sem hrjáir okkur og getum komið í veg fyrir að skapa vandann á ný með því að breyta hugarfarinu. Þeir sem eru með kvíða eru með kvíðahugarfar (eitthvað hræðilegt er að fara að gerast, aðrir eru að dæma mig, ég er að veikjast, osfrv). Þeir sem eru þunglyndir eru með þunglynt hugarfar (til hvers að fara fram úr á morgnanna, allt er vonlaust, eru aðrir ekki betur settir án mín, osfrv). Við erum alltaf að skapa okkur sjálf, okkar líðan, okkar heilsu með því hvernig við hugsum dags daglega.

Til þess að fá varanlegt frelsi, verðum við öðlast heilbrigt hugarfar, læra að stýra hugsunum okkar og líðan okkar. Þetta er vel hægt, allir geta gert þetta og ég sé fólk stíga inn í þetta frelsi daglega í mínu starfi.

 

Ekki leyfa kvíðanum að stjórna lífi þínu og ræna þig lífsgæðum enn eitt árið. Þú hefur vald yfir kvíða, ekki öfugt. Markmið allra sem glíma við kvíða á að vera að fá algert og varanlegt frelsi. Ekki það að læra að lifa með kvíðanum.

 

Fyrir þá sem hafa áhuga að kynna sér þetta betur bendi ég á facebook grúppuna mína Frelsi frá kvíða. Þar er að finna ókeypis fróðleik og dáleiðslur.

 

Höfundur er dáleiðari, orkuheilari og fyrirlesari


Þegar kvíðinn ræðst á þig

Ég glímdi við alvarlegan kvíða í mörg ár. Kvíðinn tók yfir flest svið lífs míns og stjórnaði því. Kvíðinn réðst á sjálfsmyndina mína með stöðugu neikvæðu sjálfsniðurrifi, „þú ert ekki nógu góð, þér mun mistakast, aðrir eru að dæma þig, þú sagðir/gerðir eitthvað vitlaust, þú lítur illa út, þú ert vonlaus..“ osfrv.

 

Kvíðinn réðst á vinnuna mína, gerði mig óörugga í starfi, fékk mig til að efast stöðugt um eigin getu og ágæti í vinnu.

 

Kvíðinn réðst á frítíma minn svo að ef ég fór t.d. í utanlandsferð, þá var ég með ferðakvíða í aðdraganda ferðarinnar, stöðugar áhyggjur af ferðalaginu. Skyldi ég hafa gleymt einhverju, týnt vegabréfinu, kannski yrði ég rænd eða voru hryðjuverkamenn á ferð til að sprengja upp flugvöllinn?

 

Kvíðinn réðst á fjölskyldulíf mitt og eftir að ég átti eldri son minn var ég lömuð af kvíða hvern einasta matmálstíma því ég var svo hrædd um að matarbiti myndi standa í syni mínum og hann kafna. Ég skar allan mat í pínulitla bita og beið af mér hvern matmálstíma með kvíðahnút í maganum.

 

Samhliða versnandi kvíða fór heilsufar mitt almennt versnandi. Ég var með króníska vöðvabólgu, verki í kjálkum, öxlum og baki. Stundum fékk ég random verki í handleggi eða fótleggi, svokallaða ,,flökkuverki“. Og ég var örþreytt, alltaf geispandi, aldrei úthvíld. Suma daga átti ég mjög erfitt með að vinna vinnudaginn, þegar kl. var 12 á hádegi þurfti ég jafnvel að leggjast niður og hvíla mig, ég var svo þreytt og verkjuð. Kvíðinn hélt áfram að ljúga að mér: ,,þú verður öryrki, þú ert bara sjúklingur, þú munt ekki geta séð fyrir fjölskyldunni þinni... osfrv“. Ég afplánaði lífið og naut einskis.

 

Enginn virtist geta hjálpað mér, hvorki læknar, sjúkraþjálfarar, osteopatar, kírópraktorar, bitkjálkasérfræðingar, sálfræðingar, ég reyndi allt sem mér datt í hug en engin varanleg lausn var í boði. Ég var alltaf jafn verkjuð og það fór bara versnandi. Sjúkraþjálfarinn óttaðist að ég væri með vefjagigt, öll einkennin pössuðu.  

 

Í algerri örvæntingu fór ég að stunda hugleiðslu með þeim ásetningi að fá bata. Á hverjum einasta degi settist ég niður og þvingaði hugann til að fókusa á batann. Alla daga. Fljótlega fór ég að finna áhrif sem ég síðar skildi að um var að ræða heilunarkraft sem býr í undirmeðvitund okkar allra. Við tók stórkostlegasta bataferðalag lífs míns. Í gegn um hugleiðslu, dáleiðslu og orkuheilun tókst mér að fjarlægja rætur kvíðans, rætur verkjanna og síþreytunnar. Með því að endurnýja hugarfarið, með því að öðlast heilbrigt hugarfar, náði ég varanlegum og fullum bata frá öllum þessum neikvæðu einkennum. Ég hef lært það að hugsanir okkar skipta grundvallarmáli fyrir lífsgæði og heilsufar okkar.

 

Í dag lifi ég kraftmiklu, heilbrigðu og hamingjuríku lífi. Ég er algerlega frjáls frá öllum óheilbrigðum kvíða. Ég er 100% verkjalaus, frjáls frá vöðvabólgunni og líður ótrúlega vel í öllum líkamanum. Ég er orkumikil, hraust og finn sjaldan fyrir þreytu. Ég get auðveldlega unnið heilan vinnudag og samt haft næga orku til að sinna börnunum mínum og heimili eftir vinnu. Ég er með heilbrigða og sterka sjálfsmynd og hef sjálfsöryggið til að elta drauma mína og vera ég sjálf. Ég nýt þess að vera með börnunum mínum, að vera í vinnunni að lifa lífinu.

 

Síðan ég fékk þetta frelsi hef ég með dáleiðslu og námskeiðum hjálpað öðru fólki sem er í þeim sporum sem ég var áður að fá frelsi og bata. Það er nefnilega til uppskrift að heilbrigði, frelsi, bata og hamingju. Hún er til og hún er í boði fyrir alla. En það er vinna að fá frelsi, það þarf að leggja þá vinnu á sig en ég get lofað þér því að það er margfalt þess virði!

 

Ef þú hefur áhuga á að kynna þér betur hvað þú getur gert til að fá frelsi bendi ég á opnu facebook grúppuna mína Frelsi frá kvíða. Þar er að finna fyrirlestra, dáleiðslur, fræðslu um það hvað ég gerði til að fá mitt frelsi og bata, hvað veldur kvíða, hvað getum við gert sjálf, o.fl.

 

Lífið er allt of stutt, fallegt og dásamlegt til að lifa því í kvíða, verkjum og eymd. Þú hefur mikla meira vald yfir heilsu þinni og líðan en þú heldur. Komdu með í bataferðalag!

 

Höfundur er dáleiðari, orkuheilari og fyrirlesari


Óttinn er versti óvinur mannsins

Hann gerir okkur kvíðin. Hann drepur drauma okkar. Heldur okkur niðri. Brýtur niður sjálfstraustið. Lætur okkur afplána lífið í stað þess að njóta þess. Býr til viðvarandi streituástand sem bitnar á heilsu okkar og líðan. Á endanum lætur eitthvað undan. Bugun kemur. Yfirþyrmandi vanlíðan. Magavandamál, verkjavandamál, síþreyta, jafnvel vefjagigt. Höfuðverkir, sýkingar og jafnvel útbrot. Kulnun. Kvíðinn herjar á þig og jafnvel þína nánustu.

 

Þú ert í stríði við kvíðann og kvíðinn er að vinna. Óttinn stjórnar lífi þínu og líðan þinni. Þú tekur ákvarðanir um líf þitt byggðar á ótta. Ótta við álit annarra, ótta við að verða þér að fífli, ótta við að vera dæmdur og ótta við að mistakast. Þú lifir ekki þínu eigin lífi lengur og öll orkan fer í að eiga við kvíðann. Óttinn sigrar. Þú tapar.

 

Að eiga við kvíða er að eiga í stríði. Í hverju stríði eru margar orustur. Þú þarft ekki að sigra allar orusturnar til að sigra stríðið, en þú þarft að sigra flestar. Þú þarft að styrkja þig, efla þig og vopnbúast. Stríðið er háð á vígvelli hugans og orkunnar þinnar því það er þar sem kvíðinn ræðst á þig. Þú færð kvíðatengdar hugsanir og finnur kvíðaorkuna taka yfir líkamann þinn. Sviti, hraður hjartsláttur, jafnvel svimi og höfuðverkur. Þú byrjar að óttast að hið allra versta gerist. Kvíðinn er að ráðast á þig.

 

Þú hefur val. Þú hefur val um að óttast kvíðann, leggjast niður og leyfa kvíðanum lumbra á þér. Í hvert sinn sem það gerist, styrkist og eflist kvíðinn, versnar. Þú lúffar. Eða þú ríst upp, býður kvíðanum birginn, ræðst gegn honum og brýtur hann á bak aftur. Þú fyllir vopnabúrið þitt af vopnum sem virka gegn kvíðanum og lærir að sigra orustur, veist nákvæmlega hvað þú átt að gera þegar kvíðinn ræðst á þig. Þú hættir að óttast kvíðann og eflist við hverja þá orustu sem þú sigrar. Kvíðinn verður sífellt máttlausari eftir því sem þú eflist og styrkist. Síðasta orustan kemur, þú sigrar og stríðið er unnið.

 

Kvíðinn er farinn og í staðinn kemur friður, kærleikur, hugrekki, gleði og heilbrigði. Þú ert orðin sú manneskja sem þú vilt vera, sem þér var ætlað að vera og lifir því lífi sem þú vilt lifa. Kvíðinn heldur þér ekki lengur niðri, hann getur ekki snert þig, því þú hefur sigrað hann. Þú færð lífsgæði, vellíðan og velgengni sem erfitt er að lýsa með orðum. Þú lætur drauma þína rætast, ert frábær fyrirmynd fyrir börnin þín/ barnabörnin og nýtur lífsins. Ekkert fær þig stöðvað, nú byrjar lífið!

 

Framangreind saga er sönn saga af því hvernig maður sigrar kvíðann. Hvað ætlar þú að gera þegar kvíðinn ræðst á þig næst?

 

Næsta námskeið Frelsi frá kvíða er helgina 20-21. nóvember n.k., skráning fer fram hér.

 

Einnig er að finna online námskeiðið hér.

 

Frekari fræðsla og aðstoð í baráttunni gegn kvíða er fáanleg hér.

 


Hvernig kem ég í veg fyrir kulnun?

Það er grundvallaratriði fyrir góð lífsgæði, góða líðan og góða heilsu að líða vel í vinnunni og vera ánægður. Við eyðum að meðaltali 200 dögum á ári í vinnunni sem eru u.þ.b. 1.600 klst miðað við 8 klst vinnudag. Í áratugi, mest allt lífið, eftir að við verðum unglingar eða fullorðin. Þannig eyðum við stórum hluta lífsins í vinnunni. Líðan í vinnu hefur síðan mikil áhrif á líf og líðan utan vinnu. Hver hefur ekki upplifað það að streitumikill vinnudagur hafi áhrif á kvöldið, jafnvel alla helgina?

En hvað er það eiginlega sem stýrir líðan okkar á vinnustað? Er það það sama og stýrir líðan okkar utan vinnu eða er það eitthvað annað? 

Svarið er einfalt. Það er það nákvæmlega sama sem stýrir líðan okkar í vinnu og sem stýrir líðan okkar utan vinnu: hvernig við hugsum, eða eigið viðhorf.

Í Biblíunni segir ,,As a man thinks in his heart, so is he“ Proverbs 23:7

Búdda sagði ,,The mind is everything. What you think, you become“.

Mahatma Gandhi sagði ,,A man is but the product of his thoughts, what he thinks, he becomes“

Sumir telja að það séu ytri aðstæður sem stýra líðan okkar, sem stýra heilsu okkar. T.d. að við þurfum hærri laun, betri yfirmann eða betri vinnuaðstæður til að geta liðið vel í vinnu. En sannleikurinn er sá að ytri aðstæður hafa lítið sem ekkert með þetta að gera, heldur það hvernig við sjáum og hugsum um okkar ytri aðstæður.* Hugurinn er allt, það sem við hugsum, erum við og verðum við og okkur líður, eins og við hugsum.

*(Hér er auðvitað ekki átt við aðstæður þar sem ofbeldi, einelti eða þvíumlíkt á sér stað á vinnustað – slíkt þarf alltaf að takast á við með utanaðkomandi aðstoð og í samræmi við lög og verkferla). 

Þú getur verið með tvo einstaklinga í sama starfi, með sömu menntun, sömu laun, sömu vinnuaðstæður, annar fer í kulnun, veikist og fer í leyfi en hinum gengur vel, líður vel og blómstrar í lífi og starfi.  Hvernig má það vera?

Svarið liggur í því hvernig viðkomandi hugsar og hvert viðhorf hans er. M.ö.o. hvað hann velur að fókusa á dag frá degi. Tökum dæmi um starfsmanninn sem fer í kulnun/veikindaleyfi. Á leið til vinnu hugsar hann t.d. svona:

,,Enn einn erfiður vinnudagurinn. Ég sem svaf svo illa í nótt, ég er að drepast úr þreytu. Ohhhh, yfirmaðurinn er svo leiðinlegur, það er svo mikið að gera og ég hef ekkert þrek til að takast á við þetta allt saman. Endalausir fundir, ég get þetta ekki, ég er alveg úrvinda, ég er að bugast“.

Hvernig ætli þessum einstaklingi líði í vinnu? Hann er reiður, dapur, þreyttur, orkulaus, kvíðinn, stressaður o.s.frv. Ef viðkomandi myndi hugsa svona dag eftir dag, jafnvel ár eftir ár, er nánast óhjákvæmilegt að viðkomandi endi í kulnun og/eða veikindum – enda skapar svona viðhorf viðvarandi streituástand sem brýtur niður varnir ónæmiskerfisins.

Tökum dæmi um hamingjusama starfsmanninn, hvað ætli hann sé að hugsa daglega, á leið til vinnu?

,,En dásamlegur dagur! Ég get ekki beðið eftir að mæta í vinnu og takast á við verkefni dagsins. Ég er svo lánsöm/samur að vinna á vinnustað með frábærum vinnufélögum, þar sem ríkir skemmtilegur húmor, samheldni og traust. Ég er ótrúlega þakklát/ur fyrir að geta unnið við það sem ég er menntaður/uð í, og/eða unnið við að hjálpa fólki, unnið þar sem ég get hreyft mig, o.s.frv.“

Hvernig líður þessum einstaklingi í vinnunni? Hann finnur fyrir tilhlökkun, gleði, ánægju, þakklæti, kærleika og jákvæðum krafti – líður vel og er heilbrigður. Honum gengur örugglega líka mjög vel í vinnunni því vellíðan leiðir til velgengni. Þessi starfsmaður er ekki að fara í kulnun né veikindaleyfi.

Við höfum alltaf val, val um það hvað við ætlum að fókusa á, á hverjum degi. Veljum rétt, veljum það sem er heilbrigt, fallegt og lætur okkur líða vel.

Er starfsfólkið þitt í vanlíðan, streitu og/eða neikvæðni? Eða má gera frábæran vinnustað enn betri? Undirrituð býður upp á örnámskeið/fyrirlestra um Vellíðan á vinnustað, nánari upplýsingar má finna hér (eða hafðu samband á sara@lausnir.is):

https://sarapalsdottir.is/namskeid-hopdaleidslur-og-fyrirlestrar/

 

Undirrituð er dáleiðari, orkuheilari, fyrirlesari og lögmaður.


Að lifa í kvíða er að lifa í fangelsi

Í mörg ár kvaldist ég vegna alvarlegs kvíða. Hann var misjafn, stundum var hann í formi neikvæðs sjálfsniðurrifs þar sem ég var ekki nógu góð, það sem ég gerði var ekki nógu gott, ég var ekki nógu mjó og allt sem ég sagði var ekki nógu vel sagt og aðrir voru líklega allir að dæma mig.

 

Þetta hef ég skilgreint sem ,,vægan“ kvíða – þótt nógu skaðlegur og alvarlegur hafi hann verið.

 

Þegar kvíðinn var sem verstur óttaðist ég stöðugt að eitthvað hræðilegt myndi gerast. Að ég væri komin með alvarlegan sjúkdóm, að eitthvað hræðilegt myndi koma fyrir son minn eða að ég yrði föst í þessum viðbjóðslega kvíða að eilífu. Sú hugsun var óbærileg. Stundum hrökk ég upp um miðjar nætur í kvíðakasti. Leið eins og ég væri að kafna og vanlíðanin var óbærileg.

 

Já, kvíði er viðbjóður. Kvíðinn rænir frá manni lífsgæðum, kemur í veg fyrir að maður geti verið maður sjálfur eða lifað því lífi sem maður vill lifa. Af því að maður er stanslaust hræddur. Hræddur við að vera ekki nóg, hræddur við að eitthvað slæmt gerist, ýmindaðar áhyggjur af öllu mögulegu og ómögulegu. Útkoman er sú að maður lifir sem hálfgerður skuggi af sjálfum sér. Að lifa í ótta er að lifa í fangelsi. Maður afplánar lífið. Þægindaramminn verður sífellt smærri eftir því sem kvíðinn stækkar – og það er eðli kvíðans að stækka fái hann að lumbra á okkur óátalinn.

 

Fyrir nokkrum árum ákvað ég að gera eitthvað róttækt í þessum kvíða – til að öðlast algert frelsi frá honum fyrir fullt og allt. Þetta byrjaði með 5 mínútna daglegri hugleiðslu, svo fór ég í dáleiðslu, svo lærði ég allt sem hægt var að læra um undirmeðvitundina og mátt hennar, lærði dáleiðslu, orkuheilun, las ótal bækur, rak mig á veggi, prófaði allt sem mér datt í hug að prófa. Tók mig mörg ár, blóð svita og tár – en þegar ég fann lausnina, fékk frelsið, varð hver einasta mínúta, hver einasti svitadropi sem fór í batann margfalt þess virði.

 

Ég hef fengið algert frelsi frá kvíða. Lífsgæðin sem fylgja því eru ólýsanleg. Ég er ég sjálf, geri það sem ég vil gera og nýt þess. Ég er frjáls frá því hvað öðrum finnst. Ég elska að vera með börnunum mínum í stað þess að vera með sífelldar áhyggjur af þeim. Ég er orkumikil alla daga, get stýrt hugsunum mínum og líðan minni og líður afar vel í líkamanum og í hjarta mínu. Ég er róleg, yfirveguð og glöð í nánast hvaða aðstæðum sem er. Ég gæti grátið af gleði yfir að hafa sigrað þennan fjanda sem kvíðinn er – og það er markmið mitt að hjálpa öðrum að öðlast þetta frelsi líka. Þess vegna lærði ég dáleiðslu og þess vegna bjó ég til námskeiðin ,,Frelsi frá kvíða“ – þar sem ég hef sett saman í helgarnámskeið (haldið á netinu) alla þá fræðslu, þjálfun, dáleiðslu og orkuheilun sem færðu mér það frelsi sem ég lifi í í dag. Eftir námskeiðið er þétt eftirfylgni sem grípur alla sem taka þátt – til að tryggja það að við höldum okkur við efnið, höldum áfram að tileinka okkur allt sem við lærðum á námskeiðinu í stað þess að fara aftur í sama farið.

 

Að lifa í kvíða er að lifa í fangelsi. Það er hægt að fá frelsi. Það er hægt að sigra kvíðann. Að eiga við kvíða er að eiga í stríði og þá er eins gott að hlaða vopnabúrið vel og taka stjórnina. Það er nefnilega þannig að við höfum vald yfir kvíða – ekki öfugt. Kvíðinn hefur bara vald yfir okkur þegar við gefum okkur honum á vald, þegar við óttumst hann. Er ekki kominn tími til að gera eitthvað í þessum kvíða?

Skráðu þig hér á næsta námskeið, 9-10 október n.k.:

https://sarapalsdottir.is/namskeid-hopdaleidslur-og-fyrirlestrar/

 

Eða hafðu samband í gegn um grúppuna mína á Facebook „Frelsi frá kvíða – ókeypis fræðsla og dáleiðslur“:

https://www.facebook.com/groups/frelsifrakvida

 

Þú getur byrjað strax í dag. Þú þarft ekki að gera þetta ein/n . Við getum gert þetta saman.


Hvað er verra en að deyja úr kvíða?

...að lifa í kvíða.  

Fólk hefur samband við mig iðulega og vill koma í dáleiðslu til að losna við kvíða, helst í einum tíma (væri það ekki draumur?), með því að koma, sitja og fá heilun, og eignast svo frábært líf, heilsu og líðan. Ef einungis það væri svona einfalt að losna undan þeirri hræðilegu bölvun sem krónískur kvíði er. Þá væri enginn með kvíða.

 

Kvíði er alls konar...

...nagandi sjálfsefi og sjálfsniðurrif, þar sem þú ert aldrei nóg og ekkert sem þú gerir er nóg.

...þú afplánar lífið í stað þess að njóta, kvíðinn rænir þig innri ró og friði.

...sjálfsmyndin er brotin, því sjálfsniðurrifið sem fylgir kvíðanum gerir ekki annað en að brjóta þig niður.

...þú vaknar jafnvel upp um miðjar nætur með hraðan hjartslátt, kvíða og vanlíðan.

...þú átt erfitt með svefn því kvíðahuganir halda fyrir þér vöku.

...þú hefur sífelldar áhyggjur af hinu og þessu og getur þess vegna ekki notið líðandi stundar.

...þú getur ekki verið þú sjálf/ur eða látið drauma þína rætast af ótta við að mistakast, verða dæmd/ur eða hreinlega segja eitthvað asnalegt.

...þér finnst erfitt að fara á mannamót og vera í kringum annað fólk, óttast jafnvel að gera þig að fífli þótt ekkert bendi til þess.

...þér finnst erfitt að njóta lífsins, að fara í frí til útlanda getur jafnvel verið kvöð þar sem þú ert með sífelldar áhyggjur af því að eitthvað hræðilegt muni gerast.

...o.fl., o.fl.

 

Þetta er ekki eðlilegt ástand!

Versti óvinur mannsins er óttinn. Ég fór í gegn um þetta allt sem talið er upp hér að ofan. Lifði lífinu mínu í stanslausum ótta og lét stjórnast af honum. Afleiðingin voru veikindi og afar skert lífsgæði. 

Ég var staðráðin í að finna lausn á þessum vanda, kvíðanum. Eftir að hafa leitað til allra mögulegra og ómögulegra sérfræðinga til að fá aðstoð – ekkert gekk – hóf ég það sem ég hef síðan kallað sjálfsheilunarferðalag. Það ferðalag hófst á þeim ásetningi að fá algeran bata, algert frelsi frá öllum óheilbrigðum kvíða, krónískum verkjum og þreytu sem þá var að gera út af við mig. Ég las óteljandi bækur, lærði dáleiðslu og orkuheilun, byrjaði að hugleiða, prófaði allt sem mér datt í hug að prófa og vann ötullega að batanum mínum á hverjum einasta degi. Ég byrjaði að hugleiða vorið 2019 – um haustið sama ár, var ég orðin 90% laus við alla verki, þreytu og algerlega frjáls frá þessum lamandi kvíða sem hafði hertekið líf mitt. Ég eignaðist nýtt líf og varð ný manneskja, miklu miklu betri. Í dag er ég 100% frjáls frá þessu.

Í framhaldinu fékk ég sýn um að hjálpa öðrum að öðlast það sem ég öðlaðist. Þess vegna bjó ég til Facebook grúppuna ,,Frelsi frá kvíða – ókeypis fræðsla og dáleiðslur“, til að koma boðskapnum á framfæri. Þess vegna bjó ég til námskeiðið ,,Frelsi frá kvíða“ sem er helgarnámskeið sem hefur að geyma alla þá fræðslu, þjálfun, dáleiðslu og heilun sem færði mér algert frelsi frá óheilbrigðum kvíða. Sem færði mér lífsgæði sem eru svo stórkostleg að ég hélt að það væri ekki hægt að öðlast svo gott líf og líðan. Sem færði mér þá lífsnauðsynlegu færni að geta stjórnað því hvað ég hugsa og hvernig mér líður. Og mér líður vel. :) 

Hvað ég hefði gefið mikið fyrir að hafa þessa lausn, sem þetta námskeið felur í sér, fyrir mörgum mörgum árum! Þá hafði líf mitt verið allt öðruvísi. En það er aldrei of seint. Þú getur byrjað strax í dag, með því að skrá þig í grúppuna, með því að skrá þig á næsta námskeið (helgin 11-12. September n.k).

Þú þarft ekki að lifa í kvíða. Það er von, það er svo miklu miklu betra líf handan við hornið! Þú getur ekki verið þú sjálf/ur eða lifað því lífi sem þú vilt lifa með kvíðann liggjandi ofan á þér, haldandi þér niðri. Ég get ekki lýst því með orðum hvaða breyting varð á mér og mínu lífi eftir að ég fékk algjört frelsi frá öllum óheilbrigðum kvíða! Ég gerbreyttist, ég varð loksins ég sjálf, sú manneskja sem mér var alltaf ætlað að vera, heilbrigð, hamingjusöm, kraftmikil, sjálfsörugg, kærleiksrík, hugrökk og algerlega einstök. Ímyndaðu þér að geta stjórnað hugsunum þínum og líðan þinni, verið í kærleika, þakklæti, gleði, hugrekki og frelsi alla daga!  

Fólk setur fyrir sig að borga fyrir námskeið til að læra þetta en hugsaðu eitt: Hversu mikils virði er það að geta stjórnað líðan sinni og hugsunum? Það er ómetanlegt. Hversu mikils virði er það að líða vel í eigin skinni, geta verið afslappaður og rólegur í hvaða aðstæðum sem er? 

Undir þessum kvíða sem er að hrjá þig, þessari vanlíðan, er stórkostleg manneskja, manneskja með heilbrigt og sterkt sjálfstraust, manneskja sem er kærleiksrík, orkumikil, glöð og kraftmikil, manneskja með ríkan tilgang, hæfileika og drauma. En þessi manneskja kemst ekki að þegar kvíðinn heldur þér niðri, þegar kvíðinn rænir sjálfum/sjálfri þér frá þér, núinu, framtíðinni og á endanum, ef ekkert er að gert, lífinu sjálfu.  

Eftir hverju ertu að bíða? Þú þarft ekki að gera þetta ein/n, þú þarft ekki að þreifa þig áfram í myrkrinu í von og óvon, ég hef gert þetta, ég veit hvað þarf og ég get hjálpað þér, komdu með mér, ég skal halda í hendina á þér, gerum þetta saman! Það er enginn betri tími, en akkurat núna. Þú getur byrjað strax! Skráðu þig á sarapalsdottir.is, eða með því að senda mér skilaboð í gegn um facebook síðuna mína, eða tölvupóst sara@lausnir.is, gerðu eitthvað núna! 

Að lifa í kvíða er ekki að lifa. Það er kominn tími til að lifa.


Hvað er dáleiðsla og af hverju virkar hún svona vel gegn kvíða?

Orðspor dáleiðslu hefur iðulega litast af því sem kallað er sviðsdáleiðsla, þar sem skemmtikraftar “dáleiða” fólk sem hluta af skemmtisýningu, þar sem fólk er oft fengið til að hegða sér einkennilega, gagga eins og hænur eða telja sjálft sig vera í einhverju furðulegu hlutverki (t.d. bardagafígúra), áhorfendum til mikillar skemmtunar. 

 
Sviðsdáleiðsla á hins vegar ekkert skylt við þá dáleiðslu sem klínískir dáleiðarar, eða meðferðardáleiðarar, stunda. Þar er verið að beita dáleiðslu til að hjálpa fólki að fá frelsi frá ýmsum neikvæðum kvillum eða vandamálum, allt frá krónísku verkjavandamáli og yfir í kvíða, ofsahræðslu, neikvæðum hugsunum, neikvæðri sjálfsmynd, þunglyndi, svefnerfiðleikum, þráhyggjum, o.fl. ofl. 
 
Að mínu mati eru lítil takmörk fyrir því hvað er hægt að heila með dáleiðslu. Dáleiðsla og orkuheilun snýst fyrst og fremst um að vinna með undirmeðvitund hvers og eins, að því augnmiði að fá undirmeðvitund viðkomandi til að finna rót vandans, og finna svo leið til að uppræta hana eða þær. Þannig er dáleiðarinn í ákveðnu leiðbeinendahlutverki, en í undirmeðvitund hvers og eins býr mikill heilunarkraftur. 
 
Þegar þú skerð þig á handlegg t.d. og það kemur skurður, er það undirmeðvitundin þín, sem lætur sárið gróa á ný. Ef þú ert haldinn kvíða, af hverju ætti undirmeðvitundin þín ekki að geta heilað hann? Hún getur það svo sannarlega, þetta er allt spurning um að læra að beita undirmeðvitundinni rétt. Þetta er eins og að vera með villtan, stórkostlega kraftmikinn stóðhest. Ef þú temur hann ekki, æðir hann í allar áttir með þig stjórnlaust og getur gert mikinn skaða. Ef sé hann vel taminn, geturðu stjórnað honum með einni hendi, áreynslulaust, og það sama á við um undirmeðvitundina þína. 
 
Oft er um flókið samspil margra róta, t.d. þegar kemur að því sem veldur kvíða, en í megingrunninn stafar kvíði af neikvæðri orku sem safnast fyrir í líkama okkar og umhverfi og svo af neikvæðum, kvíðavaldandi forritum í undirmeðvitundinni. Þetta tvennt hefur svo áhrif hvort á annað og til verður kvíði, sem yfirleitt er krónískt vandamál. Slíkur vandi hefur tilhneigingu til að versna, ef ekkert er að gert. 
 
Kvíðinn verður ekki upprættur nema eyða þessari neikvæðu orku og lagfæra eða eyða neikvæðu forritunum og setja jákvæð í staðinn. Einnig þurfum við að læra að stýra undirmeðvitundinni okkar. Þess vegna er dáleiðsla og orkuheilunin svo áhrifarík, því með dáleiðslu færðu viðkomandi aðila í svo djúpa slökun að meðvitundin stígur aðeins til hliðar, og undirmeðvitundin opnast. Þ.e. með dáleiðslunni færðu beinan aðgang að undirmeðvitundinni, en undirmeðvitunin veit allt um þig, þekkir hverja einustu frumu í líkamanum og ef það er eitthvað að, veit undirmeðvitundin þín af því og hvað þarf til að lagfæra það. Með því að nota orkuheilunina samhliða er svo hægt að hjálpa viðkomandi að hreinsa orkuna, bæði í líkamanum, árunni og orkusviðinu. 
 
Allt er orka. Vísindin hafa sýnt fram á það, um þetta er enginn ágreiningur lengur. Kvíði er neikvæð orka og neikvæð forrit sem segja okkur að við séum í hættu stödd, að eitthvað hræðilegt sé að fara að gerast, að við munum missa ástvini, að við munum aldrei geta látið drauma okkar rætast, að allir séu að dæma okkur, að við séum lélegri pappír en aðrir, að við eigum ekki sama rétt og aðrir á góðu lífi, að við munum alltaf vera veik og ómöguleg, o.s.frv. Þetta eru ekki þínar hugsanir, þetta er neikvæð orka og neikvæð forrit sem komu jafnvel frá öðru fólki, jafnvel á uppvaxtarárum þínum, og þau hafa ekkert með það að gera hver þú raunverulega ert eða hvernig. 
 
Það er gríðarlega mikilvægt að átta sig á því að við sem einstaklingar, höfum vald yfir neikvæðri orku, en hún ekki yfir okkur, nema við leyfum henni það. Við höfum líka vald og krafta til að endurforrita sjálf okkur, eyða þessum neikvæðu forritum og setja ný í staðinn. Þjálfun hugans og endurforritun er eitt það mikilvægasta sem við gerum í daglegu lífi. Gríðarlega mikilvægt er að tileinka sér þessa þekkingu, þjálfun og æfingu, til að stuðla að eigin heilsu og vellíðan. Ef ekki, getur þessi neikvæða orka og þessi neikvæðu forrit, rænt okkur lífsgæðum, heilsu og í reynd frjálsum vilja. Niðurstaðan verður sú að við lifum ekki því lífi sem við viljum og eigum skilið, erum ekki sú manneskja sem okkur var ætlað að vera.
 
En það getur verið erfitt að ná þeim áfanga að taka vald yfir líðan sinni og hugsunum þegar maður er yfirfullur af neikvæðri orku og neikvæðum forritum, sem halda manni hálfpartinn í gíslingu. Trúið mér, ég hef svo sannarlega persónulega reynslu af því. Það að vera yfirfullur af neikvæðri orku þýðir alls ekki að maður sé vond manneskja, það getur einfaldlega þýtt að maður hafi orðið fyrir áföllum, átt erfiða æsku, og margt margt fleira sem spilar þar inn.
 
Þess vegna hef ég sett saman kvíðanámskeiðin mín, til að færa fólki þá nauðsynlegu fræðslu, þjálfun, dáleiðslu og orkuheilun til að fólk geti stigið inn í frelsi frá kvíða og öðrum neikvæðum kvillum. Í þetta tveggja daga netnámskeið hef ég sett allt það sem færði mér sjálfri algert frelsi frá kvíða og öðrum neikvæðum kvillum, t.d. lamandi sjálfsniðurrifi, stjórnlausum neikvæðum hugsunum, o.fl. Á námskeiðinu er m.a. notuð dáleiðsla og orkuheilun til að eyða neikvæðu orku og endurforrita undirmeðvitundina. Þá inniheldur námskeiðið alla þá fræðslu og þjálfun sem til þarf til að taka vald yfir líðan sinni og hugsunum og til að halda áfram á batabrautinni. Í eftirfylgninni er svo haldið áfram, með reglulegum þjálfunum, dáleiðslum, ókeypis dáleiðslu upptökum, hugleiðslu, markmiðssetningu, upprifjun, hvatningu o.fl., til að halda áfram að vaxa, fara lengra inn í frelsið. Því ef við erum ekki að vaxa, þá erum við að deyja. 
 
Lífið er allt of stutt og dýrmætt til að eyða því í óheilbrigðum kvíða og ótta. Taktu skrefið, inn í frelsið, vertu með! 
 
Skráning er í fullum gangi hér, næsta námskeið er 6-7. mars, örfá sæti laus!
 
 
Umasgnir þáttakenda má sjá hér:
 
Fyrir þá sem vilja fá ókeypis dáleiðslur, fræðslu og stuðning vegna kvíða, verið endilega með í facebook grúppunni minni, Frelsi frá kvíða: https://www.facebook.com/groups/frelsifrakvida
 
Ást og friður, 
 
Sara Pálsdóttir dáleiðari
 

 


Kvíði, ótti, sífelldar áhyggjur, neikvæðar hugsanir, neikvætt sjálfsniðurrif...

 

...er þetta ástand sem þú ætlar að taka með þér inn í nýtt ár? Eða er kominn tími til að gera eitthvað róttækt?

Fyrir þó nokkrum árum var líf mitt og lífsgæði orðin verulega skert vegna viðvarandi kvíða, neikvæðra hugsana og krónískra verkja. Kvíðinn var misjafn, alveg frá því að vera vægur, nagandi sjálfsefi yfir í að vera hálf-lamandi, þannig að ég átti erfitt með að fara út úr húsi.

Neikvæðar, kvíðatengdar hugsanir komu stjórnlausar og óboðnar.

Kvíðinn átti það til að hellast yfir mig fyrirvaralaust, jafnvel um miðjar nætur.

Vanlíðanin sem þessu fylgdi, streitan og hömlurnar sem kvíðinn setti á líf mitt gerði það að verkum að ég gat ekki verið ég sjálf. Ég var ófrjáls.

Ég reyndi allt sem mér datt í hug til að vinna bug á þessu, finna lausn sem myndi veita mér frelsi frá kvíða, fremur en að læra að lifa með honum og halda niðri einkennunum. Eftir margra ára ferli, misheppnaðar tilraunir til að fá frelsi frá kvíða, sársauka og skert lífsgæði vegna kvíðans, fannst mér að enginn gæti hjálpað mér, og ég skildi ekki hvers vegna.

Ég fór því að leita inn á við að lausninni, fór að hugleiða með það markmið, að fá algert frelsi frá þessu. Ég las ótal margar bækur um kvíða, hugann, undirmeðvitundina, lærði dáleiðslu (var svo ekki á dagsskrá hjá mér), lærði orkuheilun, þróaði mína eigin orkuheilun, og stofnaði nýtt fyrirtæki til að hjálpa öðrum sem voru að glíma við það sama og ég (kvíða og annað ógeð).

Í stuttu máli sagt, ég fann það sem ég leitaði að, lausnina, frelsið. Ekki bara frá kvíðanum, heldur líka neikvæðu hugsununum, sjálfsniðurrifinu og sífelldu áhyggjunum. Ég er ekki haldin neinum óheilbrigðum kvíða lengur, engum.

Ég fæ ekki lengur þessar neikvæðu kvíðatengdu hugsanir, líkt og áður. Hugsanir mínar eru jákvæðar og ég hef góða stjórn á þeim.

Kvíðaköstin eru alveg hætt. Sjálfstraust mitt er heilbrigt, sterkt og gott. Engar áhyggjur af því hvað öðrum finnst eða finnst ekki, þvílíkt frelsi!

Vellíðanin, gleðin og frelsið sem þessu fylgir er ótrúleg. Ég hefði ekki trúað því að það væri hægt að fara frá því slæma ástandi sem ég var í yfir í þetta frelsi sem ég lifi við í dag.

Ég get stjórnað líðan minni og hugsunum. Ég er ég sjálf.

Eftir að ég fann þessa lausn brann eldur innra með mér, að hjálpa öðrum sem voru að glíma við kvíða o.fl., til að fá þetta frelsi líka. Ég bjó því til námskeið til að öðlast frelsi frá kvíða, sem er einmitt námskeiðið sem ég hefði þráð að komast á, þegar ég var upp á mitt versta. Það tók mig mörg ár, margar bækur, dáleiðslu, hugleiðslu, orkuheilun, langt og sársaukafullt ferli að komast á þann stað sem ég er á í dag. Ég hef þjappað þessu saman í eitt 2 daga námskeið, haldið í gegn um fjarfundarbúnað, þar sem ég blanda saman fræðslu, hugsarþjálfun, dáleiðslu og heilun, sem er nákvæmlega sú lausn, sem virkaði fyrir mig, sem gaf mér þetta frelsi, frá kvíðanum og öðrum óheilbrigðum kvillum. 

Lífið er of stutt og dásamlegt til að lifa því í óheilbrigðum kvíða og neikvæðni. Nýtt ár, ný tækifæri, nýtt líf. Vertu með!

 

Næsta námskeið er helgina 9-10 janúar n.k. Gakktu í frelsið, skráðu þig hér:

https://sarapalsdottir.is/namskeid-hopdaleidslur-og-fyrirlestrar/

 

Umsagnir þáttakenda má skoða hér:

https://www.youtube.com/watch?v=ruhIP6RzpeE

 

Ég stofnaði facebook hóp fyrir þá sem vilja öðlast frelsi frá kvíða, en þar má finna ókeypis fróðleik, ókeypis dáleiðslur og stuðningssamfélag, endilega vertu með:

https://www.facebook.com/groups/frelsifrakvida

 

Kærleikur og frelsi!


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband